Sikur të gjithë të tjerët, nxënësit duan të “binden” që të tjerët i kuptojnë, i vlerësojnë dhe i njohin cilësitë, aftësitë, interesat, nevojate tyre unike si dhe personalitetin e tyre. Mësimdhënësit që e kuptojnë këtë me vetëdije gjejnë mënyra për të demonstruar se janë të interesuar për nxënësit dhe kështu ndërtojnë një themel më të fortë për menaxhimin dhe mësimin efektiv të klasës.

Rekomandime praktike në klasë:

Ka mënyra të shumta për të shfaqur interes tek nxënësit si individë, si për shembull:

• Zbulimi dhe përfshirja e interesave të nxënësve në jetën shkollore/akademike
• Vini re arritjet individuale dhe ngjarjet e rëndësishme në jetën e nxënësve
• Bashkëveprimi me nxënësit si individë

Zbulimi dhe përfshirja e interesave të nxënësve në jetën shkollore/akademike

Siç e dinë mësimdhënësit efektiv dhe me përvojë, për shumë nxënës, suksesi në shkollë dhe shkalla e angazhimit të tyre në mësim është shumë e varur nga rëndësia, domethënia dhe interesimi për përmbajtjet që mësojnë. Edhe në aspektin intuitiv, kjo ka kuptim, veçanërisht kur bëhet fjalë për koncepte abstrakte që fillimisht duket se nuk kanë fare lidhje me jetën e përditshme. Ka shumë mënyra për të mësuar rreth interesave personale të nxënësëve, përfshirë këtu:

• Sondazhet e interesave të nxënësëve (tabela 1.14);
• Biseda joformale me nxënësit;
• Vëzhgimi dhe interesimi për veprimtaritë jashtëshkollore të nxënësve.

Figura 1.14 është një shembull i një hulumtimi që mund ta përdorni në fillim të vitit për të mësuar rreth interesave të nxënësëve. Disa nxënës janë mjaft verbal dhe të hapur në lidhje me gjërat që pëlqejnë, të tjerët nuk janë. Bërja e pyetjeve për nxënësit është një mënyrë e qartë për të mësuar rreth interesave të tyre, por disa nxënës (ashtu si të rriturit) mund të mos e kuptojnë gamën e plotë të interesave të tyre. Për të mësuar interesat e nxënësëve, ndiqni hapat vijues:

• Pyetni se cili libër, artikull, video ose film është më i pëlqyeri tëk nxënësi kohën e fundit.
• Jepini nxënësit një rol udhëheqës në klasë.
• Kërkoni nxënësit të sugjeroj për klasën një video ose dokumentar edukativ që ilustron një temë ose ide të veçantë.
• Jepuni nxënësëve mundësi që të studiojnë lidhur me temat; për shembull, gjatë një njësie në lëndën e historisë, opsionet mund të përfshijnë “zbulime shkencore të së kaluarës”, “të rinj që ishin shpikës ose sipërmarrës”, “zbulimin e kafshëve ose bimëve të reja” si dhe “bimët që janë përdorur me sukses për qëllime medicinale ose shëruese ”. Ju mund të përfshini interesat akademike të nxënësëve në shumë mënyra. Kur planifikoni, për shembull, ju mund t’i kërkoni nxënësve të zgjedhin njësi që u interesojnë atyre, bazuar në temat e nxjerra nga kurrikulat lëndore.

Vini re arritjet individuale dhe ngjarjet e rëndësishme në jetën e nxënësve

Një mënyrë tjetër shumë e dobishme për të siguruar që nxënësit të ndjehen të njohur dhe të vlerësuar nga ju, është që të vëreni pjesëmarrjen e tyre në sport, art dhe aktivitete të tjera jashtëshkollore – si dhe ngjarje të rëndësishme familjare – dhe të komentoni siç duhet për këto aktivitete. Këtë mund ta bëni në mbledhje të prindërve si dhe duke komplimentuar nxënësit për angazhimin dhe arritjet e tyre jashtëshkollore.

Bashkëveprimi me nxënësit si individë

Këtu janë disa gjëra që mund të bëni dhe praktikoni në mënyrë që nxënësit të ndjehen të vlerëuar dhe se i njihni ata:

• Përshëndetni në emër ata;
• Gjeni kohë të bisedoni në mënyrë informale për jetën e tyre dhe interesat e tyre;
• Bëni bisedë pozitive telefonike me prindin, në prezencë të nxënësit;
• Përshëndetni nxënësit me emër (Përshëndetje Yllion! ) jashtë shkolle, duke i ikur diskutimeve të gjata.
• Zgjedhni çdo ditë grupe të vogla nxënësit (2-5 nxënës) dhe bisedoni me ta, për shembull, lidhur me atë se :
• Si po shkon dita juaj sot?
• Cfarë mendoni për mësimin dhe diskutimet në klasë deri tani?
• Cfarë do të ndryshonit nga mësimet që merrni zakonisht ?
• Cfarë janë planet e juaja për këtë vikend ?etj. /ARTMESIMI.COM/