Fillimi dhe mbarimi i mirë i orëve mësimore ndihmon nxënësit të dinë se çfarë pritet nga ta. Është një mënyrë për të forcuar ndjenjën se klasa është një vend për të mësuar.

Rekomandime praktike në klasë

Ashtu si rregullat dhe procedurat, mënyrat specifike me të cilat mësimdhënësit fillojnë dhe mbarojnë ditën ose pushimet e shkurtëra dhe të gjata, ndryshojnë. Menaxhimi i klasës përmirësohet kur mësimdhënësit krijojnë rutina që komunikojnë rend dhe mësim në të njëjtën kohë. Në veçanti, rekomandohen strategjitë e mëposhtme:
• Të filluarit me një ekuilibër të të mësuarit dhe”Administrata”;
• Vendosja e veprimtarive të përbashkëta që forcojnë unitetin e klasës;
• Përfundimi me aktivitete që forcojnë të mësuarit dhe disiplinën.

Të filluarit me një ekuilibër të të mësuarit dhe “Administrata”

Fillimi me një ekuilibër të të mësuarit dhe atij “administrues”është krijimi i shprehive në të shkruarit e orës, të shkruarit e mungesave, kontrollimit të detyrave , të cilave studiuesit e pedagogjisë iu referohen si “administrativia”.

Për të shfrytëzuar sa më shumë kohën e mësimit ju mund ta filloni ditën/orën duke u dhënë nxënësve një mundësi për të vendosur kriteret e suksesit të mësimit për orën e caktuar, bazuar në planifikim. Siç vërejmë në Hapin 3, “Marrëdhëniet mësimdhënës-nxënës”, kjo qasje përcjell gjithashtu idenë që ju interesoheni për interesat e nxënësve dhe qëllimet personale të tyre.

Shumë mësimdhënës efektiv u japin nxënësve aktivitete “sfungjeri”(spong activities)[1] kryesisht në fillim të orës apo për të minimizuar boshllëqet brenda orës. Shumë aktivitete “sfungjeri” janë krijuar për të ndihmuar nxënësit të rishikojnë mësimin e tyre të mëparshëm ose të aktivizojnë njohuritë në bazë, pasi mësojnë diçka të re.

Në varësi të nivelit të nxënësve përmbajtjes që mësohet, ju mund ta filloni ditën me shkrim ditari, enigma, probleme  të matematikës, ngacmuesit e trurit ose stuhi të mendimeve. Aktivitetet e “sfungjerit” janë aq të larmishme sa vetë mësimdhënësit. Sidoqoftë, aktivitetet duhet të jenë domethënëse dhe të lidhura me rezultate të të nxënit apo kompetenca.

Këtu keni disa aktivitete pa ndonjë rënditje të veçantë:

• Rrëfimi i tregimeve/ngjarjeve/historive: Uluni në një rreth, duke përdorur një top. Filloni një histori/tregim, ngjarje, të mësuar më parë me një ose dy fjali. Hidh topin një nxënësit tjetër, ai duhet të vazhdojë tregimin me një fjali më shumë. Vazhdoni të kaloni topin duke shtuar nga një fjali në histori. Regjistroni tregimin në iPad tuaj dhe një nxënës më të vjetër shkruani atë si një libër zbavitës të klasës. Nxënësit mund të ilustrojnë fjalitë.
• Vlera është e saktë: Vendoset tek tabela një nxënës, I cili përshkruan ndonjë object, institucion, product të caktuar, përmes specifikave në tabelë apo hamer. Klasa ndahet në grupe të vogla, të cilat për 1 minutë komunikojnë për çmimin/vlerën e gjërave të përcaktuara në tabelë. Pastaj grupet shpalosin vlerat e përcaktuara për aspektet e përcaktuara në tabelë, ndërsa nxënësi qëështë tek tabela, udhëheqësi I aktivitetit, tregon vlerën reale dhe shkallën e afërsisë së grupeve me vlerën reale të produktit, objektit, institucionit etj. I gjithë aktiviteti mund të zgjasë 5-7 minuta.
• Arrije numrin 100: Nxënësve iu ofrohet një problem i thjeshtëmatematikor, për ta zgjidhur. Nëse nxënësi jep përgjigje të saktë pa gabim apo pa llogaritur me zë, atëherë konsiderojeni përgjigjen e saktë. Pastaj zgjidhni një nxënës për të shtuar numrin nga shuma përfundimtare. Pastaj përzgjidhni nxënës të tjerë për të vazhduar zgjidhjen e problemit. Qëllimi është të arrihet në 100 përgjigje të sakta.
• Lojë komplimenti: Shkruajeni emrin e secilit nxënës në një shirit letre. Shpërndani/Përzini shiritët dhe le të marrë secili nxënës nga një shirit me emër. Pastaj uluni në një rreth dhe leni nxënësit të japin një kompliment emrit të cilin e kanë në dorë.
• Filloni të numroni të themi me numrin 345 dhe shtoni ose zbritni nga 10 këtij numri.
• Kërkoni nga nxënësit të ju tregojnë një gjë që mësuan sot, me një fjali të plotë. Apo nxënësit i tregojnë njëri-tjetrit me një fjali lidhur me një gjë që mësuan kanë mësuar sot.
• Tregoni një rregull lojërash, një zakon të mirë shëndetësor, një tipar karakteri, një sjellje edukative etj.
• “Unë isha në dyqan ushqimor dhe bleva …” secili nxënës emëron një artikull, nxënësi tjetër përsërit artikujt dhe shton një artikull tjetër.
• Shkruaj një fjalë në tabelë, kërkoni nxënësve të shkruajnë sa më shumë fjalë që mund të rimojnë me të.
• Emërtoni kafshë që jeton në xhungël, kopsht zoologjik, fermë, male, ujë, etj. Rënditni sa më shumë që klasa mund të kuptojë.
• Nxënësit rëndisin gjëra që mund të prekin, nuhasin, shijojnë, dëgjojnë, shohin.
• Renditni kontinentet e botës, shtetet, etj.
• Krijoni emra për tre ekipe futbolli.
• Emërtoni sa më shumë lloje të fatkeqësive natyrore.
• Shkruani emrat e mësimdhënësve në shkollë që mbani mend.
• Shkruajni sa më shumë që të keni mundësi: shkurtesa, numrat romak, markat tregtare.
• Listo llojet e luleve që njihni.
• Renditni sa më shumë emra që mund të shihni në klasë.
• Renditni sa më shumë modele të veturave që dini.
• Emërtoni të gjitha ngjyrat që dini.
• Emërtoni shtete sa më tepër që mundeni.
• Krijoni fjalëkryqe të thjeshta në fletore me katrorë.
• Zgjidhni një kategori/nocion dhe nxënësit ofrojnëfjalë përmes stuhisë së mendimeve që lidhen me atë kategori. Kështu mund të vazhdoni të zgjedhni nocione që lidhen me temën tuaj.
• Përzgjedhni një term/kategori të caktuar, njëri nxënës thotë emrin e diçkaje në atë kategori, tjetri vazhdon por fjala e tij duhet të fillojë me shkronjën e fundit të fjalës paraprake. Për shembull, nëse mëmsidhënësi ka përzgjedhur termin: ushqim: nxënësi I parë : molla, nxënësi tjetër: ananas etj.
• Brainstorming-Hedhja e ideve për projekte klase apo për temë të caktuar.
• Tregoni planet që keni për ëikend.
• Tregoni gjëegjëza apo ndonjë shaka.
• Pastroni klasën: Zgjidhni një gjësend që është në dysheme. U thoni nxënësve që keni zgjedhur që nga ky send fillon pastrimi i tërë klasës.
• Loja katër kënde. Etiketoni çdo cep të klasës tuaj me : pajtohem, nuk pajtohem, disi nuk pajtohem, disi pajtohum. Bëni një deklaratë dhe lërini nxënësit të lëvizin në cepin që përputhet me qëndrimin e tyre ndaj deklaratës.
• Krijoni një kuti për zgjidhjen e problemeve: Kur nxënësit kanë një problem, një pyetje ose një çështje. Bëni që ta shkruajnë dhe ta vendosin në kuti. Kur të keni kohë, nxjerrni një ose dy probleme dhe diskutoni si klas. Ndonjëherë disa distanca në kohënga një problem krijon zgjidhjet më të mira.
• Gara në tabelë:Ndani klasën në ekipe. Jepini një nxënësi nga secili ekip një shkumës. Vendosni ata në dërrasë të zezë për një minutë, lërini të shkruajnë të gjitha fjalët që lidhen me një kategori/temë të caktuar. Numëroni fjalët, renditni numrin e fjalëve në një tabelë dhe ndërroni nxënësit. Përsëriteni me çifte të tjera nxënësish. Mbani një total të rezultateve për të parë ekipin fitues, I cili ka shkruar me tëpër fjalëkuptimplota për temën e caktuar.[2]

Vendosja e veprimtarive të përbashkëta që forcojnë unitetin e klasës

Shumë mësimdhënës e fillojnë ditën me aktivitete që krijojnë dhe forcojnë ndjenjën e bashkësisë dhe unitetit midis nxënësve.Nxënësit që mendojnë se janë pjesë e një komuniteti të nxënësve, të cilët kanë përvojën e “të qenurit bashkë”, ka më shumë të ngjarë të jenë pjesë e zgjidhjes së problemeve sesa e problemit.

Përfundimi me aktivitete që forcojnë mësimin dhe disiplinën

Si aktivitete për fillimin e ditës ose aktivitetet e mbarimit — kur përdorennë mënyrë të vazhdueshme – të ndihmojë në krijimin e klasës si njëmjedis i parashikueshëm për të mësuar. Ka shumëllojshmëri mënyrash për t’i dhënë fund ditës ose orës mësimore, siç janë detyrat e shtëpisë, pyetje-përgjigje, reflektim në të mësuarose duke kujtuar nxënësit  për largimin e letrave nga dyshemeja. Kujdestarët e klasave, në veçanti, mund të përdorin këtë kohë për të forcuar zakonet e mira, siç janë asekte të higjienës së klasës dhe ruajtjen dhe kujdesin ndaj godinës dhe materialeve/mjeteve shkollore. Mësimdhënësit gjithashtu e përdorin shpesh këtë kohë për të rishikuar detyrat e shtëpisë. Për të forcuar zakonet e mira të studimit, mund të krijoni një listë të përkujtuesve ose udhëzuesve të shkurtër të detyrave të shtëpisë, siç janë ato të paraqitura në tabelën 1.5. Një qasje e zakonshme është që t’u kërkoni nxënësve të bëjnë një aktivitet shkrimi reflektues për ato që mësuan atë ditë, pastaj çiftohen dhe shkëmbejnë ato që kanë shkruar. Një mënyrë për të zgjatur këtë proces është t’i kërkoni palës që të shkruajnë pikat kryesore që mësuan atë ditë në një kartelë shënimesh dhe t’i kthejnë ato tek ju. Nxënësit gjithashtu mund të shënojnë pyetje ose shënime të shkurtra rreth gjërave për të cilat ata duken konfuze ose të paqarta, ose diçka për të cilën do të donin të mësonin më thellë.

/ARTMESIMI.COM/

[1]Madeline Hunter- ideatore e aktiviteteve

[2]https://www.whatihavelearnedteaching.com/80-sponge-activities/#comments