Përse disa nxënës kanë vështirësi të kuptojnë atë që lexojnë?

Janë disa faktorë ndikues në vështirësitë në të kuptuarit e leximit (fjalë, togfjalësh, fjali, tekst, formulë matematikore etj):

• Njohuritë e limituara të fjalorit.
• Mungesa e rrjedhshmërisë së të lexuarit.
• Mungesa e familjarizimit me tematikën/përmbajtjen.
• Niveli i vështirësisë së tekstit.
• Përdorimi jo adekuat i strategjive të leximit.
• Rezonimi i dobët verbal dhe kuptimor.
• Mungesa e vëmendjes.
• Mungesa e të lexuarit kritik.
• Të lexuarit mekanik.
• Koncentrimi i dobët.
• Ambienti i klasës.
• Probleme në kujtimin e informacionit pas leximit.

Cfarë të bëjë mësimdhënësi që nxënësi të kuptojë më lehtë atë që lexon?

• Adaptimi i përmbajtjeve dhe udhëzimeve të diferencuara (për shembull, një nxënësi i japim më pak sasi të detyrave apo aktiviteteve sesa të tjerëve dhe orientohemi vetëm në mësimin thelbësor apo ofrojmë detyra të individualizuara, më të lehta se sa të moshatarëve).
• Ndryshon metodën sipas nevojës gjatë orës së mësimit, nga mësimi/metodat orientuar te mësuesi, në mësimin/metodat e orientuara me nxënësin në qendër apo nga mësimi me nxënësin në qendër në mësim drejtuar te mësuesi, sipas aftësive dhe nevojave të nxënësve.
• Thjeshtëzon dhe përsërit udhëzimet për disa nxënës.
• Përcakton qëllime afatshkurta për disa nxënës.
• Monitoron punën nxënësit nga afër.
• I mëson/ndihmon nxënësit e caktuar kur është e nevojshme, ose siguron një demonstrim shtesë.
• Siguron më shumë (ose më pak) ndihmë për nxënës derisa punojnë.
• U jep më shumë lëvdata përshkruese nxënësve të caktuar.
• Vlerëson disa nxënës më shpesh se të tjerët.
• Shpërblen nxënës të ndryshëm në mënyra të ndryshme.
• Shtron pyetje në shkallë të ndryshme të vështirësisë, sipas aftesisë së nxënësve (nga niveli i njohjes në nivelin e vlerësimit).
• Inkurajon ndihmën e kolegëve.
• Zgjedh ose krijon materiale alternative të burimeve (libri, tv, kompjuteri, mjetet tjera konkretizuese …)
• Inkurajon mjedis fizik të përshtashëm për lexim dhe mësim.
• Orientohet në kuptimin dhe rëndësinë e përmbajtjes së lexuar, përmes shembujve praktik nga jeta e përditshme.
• Të lexuarit ngadalë (në kalsa të ulëta, të lexuarit përmes rrokjeve)
• Ndalesat-pauzat e shpeshta dhe të pyeturit për kuptimin e fajlëve dhe fjalive të sapo lexuara.
• Të treguarit e kuptimit të leximit të shokut apo shoqës.
• Nuk duhet anashkaluar rëndësinë e gjuhës së trupit të mësuesit në raport me nxënësit që has vështirësi në lexim.
• Mbështetja emocionale e nxënësit gjatë leximit, duke aprovuar leximin e tij si dhe duke ndihmuar në gjetjen e gabimeve.
• Vëren kur nxënësi ka koncentrim të dobët në lexim si rezultat i faktorëve të jashtëm. /ARTMESIMI.COM/