Periudhat e mësimit të leximit dhe të shkrimit fillestar

Mësimi i leximit dhe shkrimit fillestar është proces kompleks. Duke iu referuar metodistit të njohur (Prof. Dr. Islam Krasniqi, 2002), mësimi i leximit dhe shkrimit fillestar, kalon nëpër disa periudha, të cilat përfaqësohen nga disa qasje metodike. Ato qasje metodike janë:

Qasja e parë. Sipas kësaj qasjeje përvetësimi i leximit dhe shkrimit fillestar ndahet në dy periudha:

• Periudha e përgatitjes.
• Periudha e përvetësimit fillestar të leximit dhe shkrimit.

Qasja e  dytë. Sipas kësaj qasjeje përvetësimi i leximit dhe shkrimit fillestar ndahet në tre periudha:

• Periudha e përgatitjes për lexim e shkrim
  (Periudha e paraabetares)
• Periudha e përvetësimit të leximit e të shkrimit

(Periudha e abetarës)

• Periudha e punës në përsosjen e mëtejshme të mësimit të leximit e të shkrimit fillestar
  (Periudha e pasabetarës).

Qasja e  tretë. Sipas kësaj qasjeje përvetësimi i leximit dhe shkrimit fillestar ndahet në tre periudha:

• Periudha e përgatitjes
• Periudha e përvetësimit të parë të shkronjave dhe të leximit e të shkrimit
• Periudha e ushtrimeve për përparimin dhe përsosjen e mëtejshme të leximit e të shkrimit.

Qasja e katërt (komplekse): Sipas kësaj qasjeje përvetësimi i leximit dhe shkrimit fillestar ndahet në katër periudha:

• Përiudha e përgatitjes.
• Periudha e përvetësimit të parë të shkronjave dhe të fjalëve e fjalive të shkurtëra.
• Periudha e ndërtimit të teknikës së drejtë të leximit dhe kuptimit të asaj që lexohet.
• Periudha e përsosjes së leximit logjik.

Secila periudhë duhet të ndërlidhet me kujdes me periudhën tjetër, të përvetësohet periudha pararendëse si dhe të ketë lidhmëri funksionale midis periudhave. Për shembull, në përiudhën përgatitëse në mësimin e të shkruarit, element kyq është zhvillimi i muskujve fine (të vegjël) apo në këtë rast zhvillimi i muskujve  të gishtrinjëve, i cili është parakusht për mbajtjen e lapsit drejt. Nxënësi mund të mbaj lapsin drejt vetëm pasi që të mësohet dhe të praktikojë shumë herë përmes ushtrimeve mbajtjen e lapsit drejt. Kështu që në periudhën vijuese fillohet pasi që të pervetësohet mirë periudha paraprake.

Burimi: Krasniqi, I. (2002). Mësimi i Leximit dhe Shkrimit Fillestar. Prishtinë: Shtëpia Botuese Libri Shkollor.

Përshtatur nga:  https://artmesimi.com/     

© Të gjita të drejtat e rezervuara. Nuk lejohet kopjimi, shpërndarja , riprodhimi  në çfarëdo forme pa autorizimin e platformës edukative – Artmësimi.

© All rights reserved. It is not allowed to copy, distribute, reproduce in any form without the authorization of the educational platform – Artmësimi.