Mësimi bashkëpunues dhe aktivitetet e tjera në grup mund të jenë strategji efektive mësimore në klasë, jo vetëm në aspektin akademik, por edhe si mënyra për të zhvilluar marrëdhëniet e nxënësve me njëri-tjetrin (social). Duke punuar me bashkëmoshatarët e tyre, nxënësit mund të mësojnë të shprehen qartë, të dëgjojnë, të bëjnë kompromise, të vlerësojnë të tjerët dhe të marrin role udhëheqëse. Që puna në grup të jetë më e dobishme, mësimdhënësit duhet të krijojnë një themel të rregullave dhe procedurave dhe t’i forcojnë ato gjatë gjithë vitit.

Rekomandime praktike në klasë

• Vendosja e rregullave dhe procedurave për të lëvizur brenda dhe jashtë grupeve
• Vendosja e pritjeve për sjelljen dhe përqëndrimin në grup.

Vendosja e rregullave dhe procedurave për të lëvizur brenda dhe jashtë grupeve

Marrëveshjet e përgjithshme të organizimit të grupeve në klasë gjithashtu mund të mbështesin procesin e punës në grup. Një mësimdhënës, për shembull, ul nxënësit në çifte/tandem në tre apo katër rreshta, secili rresht fillon në pjesën e përparme të klasës dhe mbaron në fund të klasës. Për ta ilustruar, supozoni se çdo rresht përfshin katër palë nxënësish. Nxënësit mund të punojnë individualisht, në çifte ose të formojnë grupe të vogla me katër nxënës, pa pasur nevojë të ngrihen dhe të rirregullojnë vendet e tyre. Avantazhi i kësaj qasje është se minimizon prishjen e qetësisë në klasë; mësimdhënësi gjithashtu mund të monitorojë dhe mirëmbajë lehtë grupet duke gërshetuar grupe midis rreshtave.

Vendosja e pritjeve për sjelljen dhe përqëndrimin në grup

Një fushë tjetër që ia vlen t’i kushtohet vëmendje është pritja për mënyrën se si nxënësit do të bashkëveprojnë derisa punojnë së bashku.

Tabela 1.7. Pritjet për sjelljen në grup

Nxënësit që duan zgjidhje të problemit janë të gatshëm të: °         Dëgjojnë °         Kërkojnë falje °         Bashkëpunojnë dhe bëjnë kompromise °         Mënjanojnë kërkimin e shpeshtë të argumenteve °         Falin, harrojnë dhe shkojnë tutje °         Kanë kujdes për ndjenjat e të tjerëve °         Qëndrojnë të qetë Bëhen zgjidhës të problemeve! Rregullat e bashkëpunimit në grup 1.      Fol në heshtje 2.      Dëgjoni idetë e njëri-tjetrit 3.      Lavdroni idetë e njëri-tjetrit (jo në prezencë të grupit) 4.      Ndihmoni njëri-tjetrin kur t’iu kërkohet 5.      Qëndroni së bashku derisa të gjithë të kenë mbaruar aktivitetin 6.      Bisedoni si punuat në grup dhe si mund të përmirësoheni! 7.      Larg diskriminimit.

 

Një mundësi tjetër është të zhvilloni forma të vetëvlerësimit që nxënësit mund të përdorin për të vlerësuar sjelljen e tyre në forma të ndryshme të të mësuarit. Për shembull, nëse formati i të mësuarit është udhëzim i drejtpërdrejtë, nxënësit mund të vlerësojnë veten në objektiva të veçantë të sjelljes duke përdorur shkallën e vetëvlerësimit të treguar në tabelën 1.8. Nëse formati i të mësuarit është puna me një partner, nxënësit mund të përdorin shkallën e vetëvlerësimit treguar në figurën 1.9. ndërsa tabelat 1.10 dhe 1.11., përkatësisht, përfshijnë objektivat e sjelljes dhe shkallët e vetëvlerësimit për të punuar në grupe dhe për punë individuale.

Tabela 1.8.

Objektivat e sjelljes dhe vetëvlerësimi i nxënësëve për udhëzime direkte

Objektivat e sjelljes:

1. Ruani kontaktin me sy me personin që flet (shok i klasës ose mësimdhënësi).
2. Ngrini dorën kur dëshironi të bëni një pyetje ose të bëni një koment.
3. Jini mendjehapur për komentet dhe pyetjet e bashkëmoshatarëve.
4. Qëndroni të përqendruar në veprimtarinë e të mësuarit. Nëse keni mendime që nuk kanë lidhje me veprimtarinë mësimore,vini re ato, por pastaj parashtroni ato në fund të orës mësimore.

Vetëvlerësimi

Vlerësoni performancën tuaj në objektivat e sjelljes. Vini re që shkalla varion nga 1 (performancë e ulët) deri në 4 (Unë sillem me performancën më të lartë).

1-Performancë e ulët
2
3
4- Performanca më e lartë

 

 

Përshkruani shkurtimisht pse mendoni që vlerësimi juaj është një vlerësim i saktë i sjelljes suaj. Diskutoni vetëvlerësimin tuaj me mësimdhënësin tuaj.

1. Ruani kontaktin me sy me personin që flet (shok i klasës ose mësimdhënësi).

Shkalla e vlerësimit _____

Arsyeja…

2. Ngrini dorën kur dëshironi të bëni një pyetje ose të bëni një koment.

Vlerësimi _____

Arsyeja…

3. Jini mendjehapur për komentet dhe pyetjet e bashkëmoshatarëve.

Vlerësimi _____

Arsyeja…

4. Qëndroni të përqendruar në veprimtarinë e të mësuarit. Nëse keni mendime që nuk kanë lidhje me veprimtarinë mësimore, vini re ato, por pastaj parashtroni ato në fund të orës mësimore.

Vlerësimi _____

Arsyeja…

 

 

 

 

Tabela 1.9.

Objektivat e sjelljes dhe vetëvlerësimi i nxënësve në aktivitete me partner

Objektivat e sjelljes

 

1. Qëndroni në detyrë.
2. Përdorni zëra të ulët.
3. Sigurohuni që të gjithë marrin pjesë. Një person nuk duhet të dominojë bisedën ose të marrë përsipër kryerjen e detyrës më vete.
4. Respektoni dhe inkurajoni idetë dhe kontributet e njëri-tjetrit.

Vetëvlerësimi

Vlerësoni performancën tuaj në objektivat e sjelljes. Vini re se shkalla varion nga 1 (performancë e ulët) deri në 4 (Unë sillem me performancën më të lartë).

1-Performancë e ulët
2
3
4- Performanca më e lartë

 

1. Qëndroni në detyrë.

Vlerësimi _____

Arsyeja…

2. Përdorni zëra të ulët.

Vlerësimi _____

Arsyeja…

3. Sigurohuni që të gjithë marrin pjesë. Një person nuk duhet të dominojë bisedën ose të marrë përsipër kryerjen e detyrës më vete.

Vlerësimi _____

Arsyeja…

4. Respektoni dhe inkurajoni idetë dhe kontributet e njëri-tjetrit.

Vlerësimi _____

Arsyeja…

 

Tabela 1.10.

Objektivat e sjelljes dhe vetëvlerësimi i nxënësve për aktivitetet në grupe

Objektivat e sjelljes:

1. Qëndroni në detyrë.
2. Përdorni një zë të qetë.
3. Nëse rolet në grup janë caktuar, mbështesin njëri-tjetrin në rolet tuaja të caktuara. Për shembull, ndihmoni udhëheqësin, kujdesuni për regjistruesin e kohës duke bashkëpunuar dhe marrë pjesë në detyrën e grupit.
4. Jini mendjehapur.
5. Merrni pjesë në aktivitetet dhe detyrat e grupit.

Vetëvlerësimi

Vlerësoni performancën tuaj në objektivat e sjelljes. Vini re se shkalla varion nga 1 (performancë e ulët) deri në 4 (Unë sillem me performancën më të lartë).

1-Performancë e ulët
2
3
4- Performanca më e lartë

 

1. Qëndroni në detyrë

Vlerësimi _____

Arsyeja…

2. Përdorni një zë të qetë.

Vlerësimi _____

Arsyeja…

 

3. Nëse rolet në grup janë caktuar, mbështesin njëri-tjetrin në rolet tuaja të caktuara. Për shembull, ndihmoni udhëheqësin, kujdesuni për regjistruesin e kohës duke bashkëpunuar dhe marrë pjesë në detyrën e grupit.

Vlerësimi _____

Arsyeja…

4. Jini mendjehapur.

Vlerësimi _____

Arsyeja…

5. Merrni pjesë në aktivitetet dhe detyrat e grupit.

Vlerësimi _____

Arsyeja…

 

 

Tabela 1.11.

Objektivat e sjelljes dhe vetëvlerësimi i nxënësve për të punëindividuale

Objektivat e sjelljes

1. Ngrini dorën për të marrë leje për të biseduar me mësimdhënësin ose shokët e klasës.
2. Kontriboni në një atmosferë të qetë mësimi.
3. Mbani përqendrim në detyrën në fjalë.
4. Shmangni bisedat anësore.

Vetëvlerësimi

Vlerësoni performancën tuaj në objektivat e sjelljes. Vini re se shkalla varion nga 1 (performancë e ulët) deri në 4 (Unë sillem me performancën më të lartë).

1-Performancë e ulët
2
3
4- Performanca më e lartë

 

 

1. Ngrini dorën për të marrë leje për të biseduar me mësimdhënësin ose shokët e klasës.

Vlerësimi _____

Arsyeja_______…

2. Kontriboni në një atmosferë të qetë mësimi.

Vlerësimi _____

Arsyeja_______…

3. Mbani përqendrim në detyrën në fjalë.

Vlerësimi _____

Arsyeja_______…

 

4. Shmangni bisedat anësore.

Vlerësimi _____

Arsyeja_______…

 

Një tjetër çelës për punën efektive në grup është të siguroheni që nxënësit të jenë të qartë në lidhje me qëllimin e punës në grupe. Në mënyrë të veçantë, është e rëndësishme të shkruani objektiva për punën – temën ose fokusin e punës së secilit grup, çfarëdo udhëzimi përkatës dhe atë që secili grup duhet të kishin arritur si rezultat i punës së përbashkët.

Puna në grup është gjithashtu një kohë për të ushqyer aftësitë drejtuese të nxënësve. Një mënyrë e drejtpërdrejtë për ta bërë këtë është t’i kërkoni secilit grup të identifikojë dikë që do të jetë udhëheqësi për aktivitetet e grupit. Roli i udhëheqësit mund të shihet në shumë mënyra, dhe mbase kjo është pika e të pasurit nxënës të ndryshëm, që shërbejnë në këtë rol mbi baza rrotulluese/rotative gjatë gjithë periudhës apo vitit. Nxënësit dhe mësimdhënësit njësoj do të shohin që nxënësit sjellin pikat e forta, këndvështrimet dhe personalitetet e tyre në rolin e udhëheqësit të grupit. Kjo qasje mund të jetë po aq e vlefshme për ata nxënës që nuk shërbejnë si udhëheqës të grupit, siç është për ata që janë udhëheqës. Duke vëzhguar se si nxënës të ndryshëm e marrin këtë përgjegjësi, nxënësit do të shohin se ka më shumë se një mënyrë për të qenë një udhëheqës efektiv dhe mbase frymëzohen që të marrin vetë një rol udhëheqës.

/ARTMESIMI.COM/