Rëndësia dhe objektivat e leximit dhe shkrimit fillestar

Leximi dhe shkrimi janë dy veçori dalluese dhe mrekulli të rralla që iu janë dhënë gjinisë njerëzore. Zhvillimi i teknologjjisë, i shkencës dhe i të gjithë lëmënjëve tjerë të dijes dhe shkathtësisë, është bartur gjeneratë pas gjenerate përmes këtyre veçorive. Për këtë, çdo brez i ri njerëzor, zhvillimin shkencor, teknologjik etj., e nisë aty ku brezi paraardhës ka mbetur.

Duke iu referuar metodistit të njohur (Prof. Dr. Islam Krasniqi, 2002), mësimi i leximit dhe shkrimit fillestar te nxënësit e shkollës fillore ka disa objektiva:

• Të zhvillojë vetëdijen e nxënësit për rëndësinë e komunikimit në gjuhën amtare
• Të aftësojë nxënësit të përvetësojnë tingujt dhe shkronjat, shqiptimin dhe shkrimin e drejtë të tyre, bashkimin e tyre në rrokje, rrokjet në fjalë dhe fjalët në fjali
• Të aftësojë nxënësit të përvetësojnë teknikën e shkrimit dhe leximit të drejtë dhe me kuptim
• Të aftësojë nxënësit për të treguar, rrëfyer e përshkruar me gojë e me shkrim sipas kërkesave të programit
• Të pasurojë fjalorin aktiv të nxënësit me fjalë e shprehje të reja
• Të zhvillojë shkathtësi për jetë dhe punë produktive
• Të ushtrohen nxënësit për frymëmarrje të rregullt
• Të zhvillohet dashuria për librin dhe mësimin
• Të njihen në mënyrë graduale rregullat elementare të gjuhës dhe gramatikës
• Të nxisë kërshërinë dhe shtojë përpjekjet e nxënësve nismëtarë të shkollës fillore për përvetësimin e detyrave/lëndëve të reja
• Të zhvillojë aftësitë intelektuale të nxënësve
• Të formojë veti pozitive të sjelljes së nxënësve.

Burimi: Krasniqi, I. (2002). Mësimi i Leximit dhe Shkrimit Fillestar. Prishtinë: Shtëpia Botuese Libri Shkollor.

Përshtatur nga:  https://artmesimi.com/     

© Të gjita të drejtat e rezervuara. Nuk lejohet kopjimi, shpërndarja , riprodhimi  në çfarëdo forme pa autorizimin e platformës edukative – Artmësimi.

© All rights reserved. It is not allowed to copy, distribute, reproduce in any form without the authorization of the Educational Platform – Artmësimi.