Zhvillimi në karrierë i fëmijëve

Përvetësimi me sukses i kësaj fushe në procesin e edukimit të fëmijës është rezultat i përvetësimit të  kompetencës[1] për jetë, punë dhe mjedis. Gjatë jetës së tyre fëmijët përjetojnë shumëllojshmëri përgjegjësishë, rolesh, mjedisesh, e që të gjitha këto kontribuojnë në zhvillim të identitetit të tyre. Sipas studjuesve zhvillimi në karrierë është një koncept gjithpërfshirës, i cili përfshinë fushat e edukimit fizik, emocional, social, kognitiv e akademik, për të ndihmuar fëmijët që të formojnë një botëkuptim për njohjen dhe kuptimin e vetes dhe përvetësojnë kompetencat e nevojshme të qenë të suksesshëm në jetë.

Kuptimi i zhvillimit në karrierë

Kuptimi i zhvillimit në karrierë fillon qysh në fëmijërinë e hershme kur fëmijët fillojnë të njohin veten dhe të tjerët, të zhvillojë ndjenjën e përkatësisë dhe kontributit të tij, për të siguruar një pozitë kuptimplote ( tregon veten) në shoqëri.

Mungesa e informimit dhe mirëorientimit të fëmijës në karrierë

Në vijim do të shpalosim disa fakte të cilat tregojnë rreziqet e dështimit në karrierë:

• Dështimi për të formuar qëlime, objektiva të bazuara në realitet.
• Dështimi për të kuptuar rëndësinë e shkollës,
• Dështimi i formimit të shprehive për punë të ndershme gjatë gjithë jetës,
• Dështimi për zhvillim të përgjegjësisë për detyrat në jetë.

Zgjedhjet efektive për një karrierë të suksesshme

Duke relfektuar mbi atë që zhvillimi në karrierë nuk  mund të ndahet nga zhvillimi i njeriut, qëllimi për kujdesin në karrierë të fëmijës është  që dituritë e marra në shkollë t’i transmetojnë jashtë saj, në botën e punës. Për këtë, ndërgjegjësimi që fëmijët kanë për veten e tyre, bën që me kalimin e viteve në shkollë, fëmijët të vetëdijësohen se cilës punë apo profesion janë të aftë t’i kontribuojnë. Kjo nënkupton:

• Formimin e konceptit për punën. Kjo nënkupton zhvillimin e konceptit për vetënjohjen (përparësitë, mangësitë, tipin e personalitetit etj), zhvillimin profesional të fëmijës (njohja e profesioneve, ndërgjegjësimi për raportet punë-profesion).
• Ndërlidha e konceptit shkollë-punë (për shembull sistemi i arsimit dual, shkollë-punë apo aplikimi i aktiviteteve jashtëkurrikulare në kuadër të shkollave të mësme të ulëta dhe të larta për ta apliku nxënësi profesionin e së ardhmës në shkollë apo komunitet, biznese etj).
• Informimi dhe orientimi professional (Informimi i nxënësve për profesionet dhe vlerësimi pedagogjik dhe psikologjik i nxënësve për profesionin e tyre bazuar në parametra të dijeve, shkathtësive, afërsive-afiniteteve, vlerave, interesave dhe aktulitetit të profesionit).

Në Kosovë është e njohur platforma e MASHT  për orientim të nxënësve në karrierë- BUSULLA.COM[2] , e cila është mjaftë e dobishme sidomos për nxënës të klasave të IX, në  përzgjedhje të profesionit apo shkollës së mesme të lartë.

Përshtatur nga:  https://artmesimi.com/         

© Të gjita të drejtat e rezervuara. Nuk lejohet kopjimi, shpërndarja , riprodhimi  në çfarëdo forme pa autorizimin e platformës edukative – Artmësimi.

© All rights reserved. It is not allowed to copy, distribute, reproduce in any form without the authorization of the Educational Platform – Artmësimi.

_________________________________

[1] Bazuar në Kornizën Kurrikulare të Kosovës -2016 të MASHT- kompetenca është  sistem koherent  dhe i integruar i njohurive, shkathtësive dhe qëllimeve të aplikueshme dhe të transferueshme që u ndihmojnë fëmijëve për integritet në jetën sociale e akademike.

[2] https://busulla.com/